काठमाडौँ । इटालीले अमेरिकालाई आफ्नो सैन्य आधार प्रयोग गर्न अनुमति दिन अस्वीकार गरेको छ ।

सिसिली टापुस्थित सिगोनेला सैन्य आधारमा अमेरिकी विमान अवतरण गराउने योजनालाई इटालीले रोक लगाएको हो । अमेरिका सो आधार प्रयोग गरेर आफ्ना बमवर्षक विमानलाई मध्यपूर्वतर्फ पठाउन चाहन्थ्यो ।

रिपोर्ट अनुसार अमेरिकाले उक्त योजना बारे इटालीलाई पूर्व जानकारी दिएको थिएन । न त अनुमति मागिएको थियो, न त इटालीका सैन्य अधिकारीसँग समन्वय गरिएको थियो ।

यसअघि स्पेनले पनि यस्तै कदम चालेको थियो। स्पेनले इरानसँग सम्बन्धित द्वन्द्वका क्रममा अमेरिकी विमानका लागि आफ्नो आकाशमार्ग बन्द गरेको थियो ।