काठमाडौँ । इरानमा सरकारी भवनमाथि आक्रमण गरेको आरोपमा दोषी ठहरिएका दुई जनालाई मृत्युदण्ड कार्यान्वयन गरिएको छ ।

अदालतका अनुसार ती दुवै व्यक्ति विभिन्न आक्रमणमा संलग्न रहेका थिए र उनीहरूले रकेट प्रक्षेपण गर्ने हतियार प्रयोग गरी सरकारी भवनलाई निशाना बनाएको आरोप पुष्टि भएको थियो ।

इरानी अधिकारीहरूले उनीहरूको सम्बन्ध प्रतिबन्धित विपक्षी समूह ‘पिपुल्स मोजाहेदिन संगठन अफ इरान’सँग रहेको बताएका छन् । यसअघि सोही घटनासँग सम्बन्धित अन्य दुई जनालाई पनि एक दिनअघि मृत्युदण्ड दिइएको जनाइएको छ ।