काठमाडौँ । इरानले युद्धका क्रममा विद्यार्थी र शिक्षकसहित ठूलो जनधनको क्षति भएको जनाएको छ।

इरानको शिक्षा मन्त्रालयका अनुसार अमेरिका र इजरायलका आक्रमणमा हालसम्म २५० विद्यार्थी तथा शिक्षकको मृत्यु भएको छ । ती आक्रमणबाट सयौँ शैक्षिक तथा सांस्कृतिक संरचनामा समेत क्षति पुगेको बताइएको छ ।

सरकारी समाचार माध्यमका अनुसार ७२३ वटा शैक्षिक र सांस्कृतिक संस्थान प्रभावित भएका छन् ।

यसैबीच, इरानका उपस्वास्थ्य मन्त्री अली जाफरियनले फागुन २८ गतेदेखि सुरु भएको युद्धमा कुल मृतक संख्या बढेर १९३७ पुगेको जानकारी दिएका छन् ।

यसैबीच इरानी सेनाले मध्यपूर्व क्षेत्रमा अमेरिकी सैनिक बसेका होटलहरूलाई समेत निशाना बनाउन सकिने चेतावनी दिएको छ।

सेनाका प्रवक्ता अबोलफजल शेकारचीले सरकारी टेलिभिजनमार्फत प्रतिक्रिया दिँदै अमेरिकी सैनिक बसेका स्थानलाई सैन्य लक्ष्यका रूपमा लिने र आवश्यक परे त्यहीँ आक्रमण गर्ने बताएका छन्।