काठमाडौँ । शिक्षामन्त्री सस्मित पोखरेलले प्रवेश परीक्षा तयारी कक्षा एवम् ब्रिज कोर्स पुर्णरुपमा बन्द गर्ने निर्णय गरेका छन् । 

मन्त्री पोखरेलको निर्णय अनुसार आगामी बैशाख १ गतेदेखि लागु हुने गरि विद्यालय तहका विभिन्न कक्षा र उच्च शिक्षाका विभिन्न तहमा भर्ना प्रक्रिया प्रारम्भ हुनुभन्दा अगाडि भर्नालाई लक्षित गरी विभिन्न संस्थाहरूले प्रवेश परीक्षा तयारी कक्षा एवम् ब्रिज कोर्सका नामका कार्यक्रमहरू सञ्चालन पूर्ण रुपमा बन्द हुने मन्त्रलायका प्रवक्ता शिवकुमार सापकोटाले जानकारी दिएका छन् । 

यस्ता कार्यक्रमले विद्यार्थीको मनोविज्ञान तथा शिक्षामा समतामूलक पहुँचमा नकारात्मक प्रभाव पार्ने र विद्यार्थीका लागि अनावश्यक आर्थिक बोझसमेत पर्न जाने देखिएको भन्दै यस्ता कार्यक्रमहरू सञ्चालन भए नभएको अनुगमन गरी सञ्चालन गरेको पाइएमा प्रचलित कानुनबमोजिम कारबाहीको प्रक्रिया अगाडि बढाउनसमेत सम्बन्धित जिल्ला प्रशासन कार्यालयहरूलाई निर्देशन समेत दिइएको छ ।