काठमाडौँ । राष्ट्रपति डोनाल्ड ट्रम्पले संयुक्त राष्ट्र संघसँग सम्बद्ध ६० भन्दा बढी अन्तर्राष्ट्रिय संस्थाहरूबाट अमेरिकालाई फिर्ता लिने निर्णय गरेका छन् ।

ट्रम्पले अमेरिकी हित विपरीत अन्तर्राष्ट्रिय संस्थाहरू, सन्धिहरू र सम्झौताहरूबाट फिर्ता लिने कार्यकारी आदेशमा हस्ताक्षर गरेका हुन् । अमेरिकाले यी संस्थाहरू या त 'अनावश्यक' वा अमेरिकीहित विरुद्ध काम गरिरहेको बताएको छ।

ह्वाइट हाउसद्वारा जारी गरिएको फ्याक्ट सिट अनुसार, यसमा ३१ संयुक्त राष्ट्र संघ-सम्बद्ध संस्थाहरू र ३५ गैर-संयुक्त राष्ट्र संघ संस्थाहरू समावेश छन् जसले अमेरिकी राष्ट्रिय सुरक्षा, आर्थिक समृद्धि वा सार्वभौमिकता विरुद्ध काम गर्छन् ।

ट्रम्पले सबै सरकारी विभागहरू र एजेन्सीहरूलाई 'सकेसम्म चाँडो' यी संस्थाहरूबाट संयुक्त राज्य अमेरिकालाई फिर्ता लिने प्रक्रिया सुरु गर्न निर्देशन दिएका छन् ।

यी संस्थाहरूको सूचीमा 'अन्तर्राष्ट्रिय सौर्य गठबन्धन' पनि समावेश छ, जुन जलवायु परिवर्तनलाई सम्बोधन गर्न भारत र फ्रान्सको संयुक्त पहल हो ।