काठमाडौँ । प्रत्यक्षतर्फ शानदार मत पाएको राष्ट्रिय स्वतन्त्र पार्टी (रास्वपा) ले समानुपातिक तर्फ पनि उल्लेख्य मत पाउने देखिएको छ ।

त्यस्तै पहिलो पटक चुनावी मैदानमा रहेको हर्क साम्पाङ नेतृत्वको श्रम संस्कृति पार्टीले समानुपातिकतर्फ राप्रपालाई उछिनेको छ ।

पछिल्लो मत गणना अपडेट अनुसार ८१ लाख मत गणना हुदा श्रम संस्कृतिको २ लाख ८४ हजार ५३५ मत रहेको छ भने राप्रपाको २ लाख ७१ हजार ८९६ मत रहेको छ ।     

त्यस्तै रास्वपाले ३९ लाख १४ हजार २६५ मत प्राप्त गरेको छ । जुन गणना भएको मतको ४८.२ प्रतिशत रहेको छ । त्यस्तै नेपाली कांग्रेसले १३ लाख १९ हजार ६१२ मत अर्थात १६.३ प्रतिशत मत प्राप्त गरेको छ । त्यस्तै तेस्रो नम्बरमा एमाले देखिएको छ । एमालेले ११ लाख १९ हजार ४०३ अर्थात् १३.८ प्रतिशत मत प्राप्त गरेको छ । नेपाली कम्युनिष्ट पार्टीले ५ लाख ७५ हजार ८३७ मत प्राप्त गरेको छ  ।

त्यसैगरी उज्यालो नेपाल पार्टीले समानुपातिकतर्फ उम्मेदवार बनाएको राष्ट्रिय परिवर्तन पार्टीले एक लाख १३ हजार ६४६ मत प्राप्त भएको छ ।

त्यसैगरी कुल खसेको मत एक करोड ९ लाख ७७ हजार ७११ रहेको छ ।