काठमाडौँ । चर्चित अमेरिकी अन्तरिक्ष यात्री सुनिता विलियम्सले २७ वर्षको सेवा पछि नासाबाट अवकाश लिएकी छन् ।

भारतीय मूलकी सुनिता विलियम्सले आफ्नो करियरको क्रममा अन्तर्राष्ट्रिय अन्तरिक्ष स्टेशनमा तीनवटा अभियान पूरा गरेकी छिन् र मानव अन्तरिक्ष उडानका लागि धेरै रेकर्डहरू कायम गरेकी छिन् ।

नासाका प्रशासक जेरेड आइज्याकम्यानले विलियम्स मानव अन्तरिक्ष उडानमा अग्रणी रहेको बताउदै अन्तरिक्ष स्टेशनमा उनको नेतृत्वले अन्वेषणको भविष्यलाई आकार दिएको र कम पृथ्वीको कक्षमा व्यावसायिक अभियानहरूको लागि मार्ग प्रशस्त गरेको बताएका छन् ।

विलियम्सको अवकास बारे उनले भनेका छन्- 'विज्ञान र प्रविधिलाई अगाडि बढाउने उनको कामले चन्द्रमामा आर्टेमिस मिसन र मंगल ग्रहको यात्राको जग बसाल्यो, र उनको असाधारण उपलब्धिहरूले पुस्तालाई ठूलो सपना देख्न प्रेरित गर्नेछ ।'

सुनिता विलियम्स अमेरिकाको म्यासाचुसेट्समा हुर्किएकी हुन् र उनका बुबा भारतका र आमा स्लोभेनियाकी हुन् ।