काठमाडौँ । दक्षिण अफ्रिकाले जारी टी-२० विश्वकपमा विजयी शुरुवात गरेको छ । गएराती सम्पन्न खेलमा दक्षिण अफ्रीकाले क्यानडालाई ५७ रनको फराकिलो अन्तरले पराजित गरेको हो ।

दक्षिण अफ्रीकाले दिएको २१४ रनको लक्ष्य पछाएको क्यानडाले २० ओभरमा ८ विकेट गुमाउदै १५६ रन बनाएको थियो ।

यस अघि टस हारेर पहिला ब्याटिंग गरेको दक्षिण अफ्रीकाले २० ओभरमा ४ विकेट गुमाउदै २१३ रन बनाएको थियो ।

अब दक्षिण अफ्रीकाले अर्को खेल बुधबार अफगानिस्तानविरुद्ध खेल्ने तालिका रहेको छ भने क्यानडाले अर्को खेल शुक्रबार युएईविरुद्ध खेल्ने छ ।