काठमाडौँ ।  नेकपा एमालेले राष्ट्रिय सभाका लागि ६ उम्मेदवार छानेको छ ।

नेकपा एमालेको तर्फबाट राष्ट्रिय सभाको सदस्यको निर्वाचनका लागि कोशीमा रोशनी मेचे, बागमतीमा डा. प्रेम दंगाल, गण्डकीमा सम्झना देवकोटा, लुम्बिनीमा रामकुमारी झाक्री, कर्णालीमा मीना रखाल र सुदूरपश्चिममा लीला भण्डारीलाई उम्मेदवार बनाउन भएको हो ।

राष्ट्रिय सभाका १८ सिटका लागि माघ ११ गते हुने निर्वाचनका लागि आज उम्मेदवारी दर्ताको कार्यतालिका रहेको छ । यस निर्वाचनमा एमाले, काँग्रेस, नेकपा र जसपा नेपालले तालमेल गरेर जाने बताए पनि अहिलेसम्म सहमति हुन नसकेको बुझिएको छ ।

यस अघि कांग्रेस र एमालेले ७-७ सिट लिने, त्यस्तै नेकपाले ३ र जसपाले एक सिट लिने गरि छलफल भएको बताइएको छ । चारै दलबीच अहिले पनि छलफल जारी रहेको छ ।